تدعيما لفكرة كرسى الاعتراف والنقد ( أنا قاعد على كرسى الاعتراف والنقد)

بعد ما منص شجعنى بكلامه حبيت ادعم الفكرة واكون انا اول واحد يقعد على الكرسى ده وهو هيكون مختلف شوية عن كرسى الاعتراف لان فى كرسى الاعتراف كانا بنسأل واللى قاعد

على الكرسى بيجاوب.

انما المرة دى هنخليها زى ما تكون مواجهة مابين اللى بيسألوا واللى قاعد على الكرسى بمعنى اللى يسأل ليه الحق ومن غير زعل يوجه نقد ليا ويقول اللى مش عاجبه فيا ويسألنى فى اى

سؤال هو عاوزه .



وانا ان شاء هجاوب على كل الاسئلة


مستنى اسئلتكم ونقدكم وشكرا

ازيك ياحازم فكره كويسه وانتظر المزيد من النقد والاسئله؟؟؟؟؟؟؟؟؟؟؟؟؟؟؟؟؟؟؟

ازيك يا بيسو اخبارك ايه يا معلم

مستنى اسئلتك واسئلة الشباب وربنا يعنى واجاوب عليها دا اذا حد شكله ناوى يسأل او حتى ينقد

انا قاعد على الكرسى بقالى يومين من غير حتى ما حد يعزم عليا بسؤال


شكله باينله منص صاحب القهوة دى مش فاضى ولا ايه

على العموم يا رجاله انا مستنى اسئلتكم
وشكرا

معلشى يا حازم القهوه كان فيها شوية توضيبات
المهم انت اخبارك ايه يا برنس
ماشى يا ريس
شوية اسئله على السخان بمااننا فى القهوه؟
*الغربه اضافت ايه لحازم
*ايه الحاجه السلبيه اللى فيك اللى تحب تغيرها
*هل يختلف معنى الصداقه فى الغربه
*حازم حقق حلمه فى الحياه؟
*اكتر حاجه انت زعلت عليخها فى حياتك؟
وانتظر منى مزيد من الاسئله يا برنس

1-بالنسبة الغربة اضافت ليا ايه

اقدر اقولك بجد يا منص ان اهم حاجه استفدتها من الغربة هى الشك فى كل شئ وفى اللى حوليك وانك متأمنش لحد وان اللى تأمنله وتثق فيه ده لازم يكون مر باختبارات كتيره

يعنى من الزمن والاصدقاء الكتير اللى عشت معاهم فى كل مكان اعتقد انى طلعت بعدد محدود من الاصدقاء الحقيقين


الغربة اضافتلى ايضا الطموح والاحلام فى حاجات كتير اوى

غير انها غيرت فى طريقة تفكيرى للاحسن نظرا لانك بتواجه مجتمعات متقدمة ومتغيرة فى كل شئ فاعتقد انى فى السنتين دول تفكيرى اتقدم ونظرتى للامور اتحسنت

2- بالنسبة للحاجه السلبية فيا اللى احب اغيرها

هى والله يا منص حاجات كتير بس يمكن يكون اهمها الكدب وانا بعترف انى فى بعض الاوقات بضطر اكدب علشان اخرج من موقف معين

صحيح البعض ممكن يسميها ذكاء بس انا الصراحة شايفها شئ وحش فيا

رغم انى شايف اننا عايشيين فى عالم من المستحيل ان يكون للصدق والصادق مكان فيه

3-هل يختلف معنى الصداقة فى الغربة

والله يا منص حقيقى وعن تجربة شخصيه بعض الاصدقاء يعرفوها هنا معنى الصداقة ممكن يتغير فى الغربة

وفعلا حقيقى اتغير لانه فى يوم من الايام اتخميت فى انسان كنت معتبره اخ وكان مابيسبنيش ولا لحظة
وبعد كده فى اول محطة باعنى . بس هذا لا يعنى انى بجد وجدت ناس حقيقين هنا .

وفعلا نصيحة حقيقية منى الصديق هو من يقف جنبك وقت الشدة الحقيقية ويحافظ على سرك


4- بالنسبة هل حققت حلمك فى الحياة؟

والله يا منص انا عاوز اقولك على حاجه انت ممكن متصدقهاش انا عمرى محققت حاجه حلمت بيها

الاول فى الدراسة وفشلت

الحب ومريت بأسوأ قصص حب ممكن اى انسان يعيشها لدرجة انى فعلا حسيت ان اى بنت نفسها يجلها ابن الحلال لازم تعدى عليا الاول لان مافيش بت عرفتها الا واتخطبت او اتجوزت

حتى السفر انا شخصيا عمرى ما حلمت انى اسافر امريكا واللى ميعرفشى ان سفر امريكا جه صدفه وفجأه لدرجة انى اخر واحد دخل البرنامج ده فى سنتها .

دى بالنسبة لاحلامى لما كنت فى مصر ممكن تكون فعلا كلها فشلت وانا بعترف بكده


اما بالنسبة بعد السفر فالاحلام بتتغير بتغير المكان فبعد ما جيت هنا اتغيرت احلامى وطموحاتى وافكارى واشياء كتيره

واقدر اقولك ان معظم الجيل الجديد اللى جه هنا هيكون افضل من اللى قبله ان شاء الله لان بجد بشهادة كل اللى هنا ممكن نكون احنا اسرع ناس اندمجنا مع الوضع والتفكير هنا بسرعة ويمكن ان اللى فادنا بجد هو ان احنا جينا وسننا صغير


4- اكتر حاجه انا زعلت عليها فى حياتى

تصدق بالله يا منص ممكن يكون ده بجد اصعب سؤال واكتر سؤال رجعنى لكل الذكريات

المهم اكتر حاجه زعلت عليها فى حياتى لما غلطت نفس الغلطة لما وثقت فى انسانة وسابتنى واتجوزت ورجعت و بعد فترة حبيت واحده تانية ووثقت فيها واتكرر نفس السيناريو

شوف يا معلم انا عاوز بس اقولك اية اكتر عيب انت شايفة فى الشخص المصرى عموما بما انك قابلت اكيد جنسيات تانية؟
تانى حاجة كنت عاوز اقولك اية العيب اللى انت شايف انة لو موجود فى انسان انة ممكن يدمرة؟
وياريت تقولى اية اكبر عيب انت شايفة فى حازم فتحى؟
وياريت تحكيلى على احسن موقف حصلك فى مصر؟
وشكرا ليك يا مااااااااااان

1- اكتر عيب انا شايفة فى الشخص المصرى

انا من وجهة نظرى الشخصية ان اكتر عيب فى الانسان المصرى عموما هى (السلبية ) و العيب ده بيشمل حاجات كتيرة اوى

2- بالنسبة للعيب اللى لو موجود فى اى نسان يدمره

من وجهة نظرى اليأس هو ده اللى العيب اللى ممكن يدمر اى شخص

3- بالنسبة لاكتر عيب انا شايفة فى نفسى

اكتر عيب بجد انا شايفة فى نفسى انى مبسمحش اى حد غلط فيا مهما كان عزيز عليا فى يوم من الايام

وأنى بخزن لاى شخص اخطاء كتيرة يعنى ممكن اى حد يعمل فيا اى حاجه ممكن معاقبوش او حتى الومه عليها وافضل اخزنله لحد ما ممكن انفجر فيه علشان خطأ بسيط جدا



4- بالنسبة لاحسن موقف حصلى فى مصر

ده سؤال صعب يا رتنى كنت سألتهولك لما كنت انت قاعد على كرسى الاعتراف

بجد انا حصلى مواقف كتيرة وجميلة لما كنت فى مصر لدرجة انى مش عارف اقول ايه ولا ايه على العموم انا هقولك على موقف منهم

كنت بحب واحدة ومكنتش قايلها خالص

المهم عيد الحب جه وجهزت الهدية واتصلت بيها علشان نتقابل وادهالها

واتقابلنا فى حديقة فى المنصورة على ( على فكرة مكانتشى من البنوان انا عمرى مكنت على علاقة باى واحدة من البلد)

وكان اصعب شئ انى طبعا اديلها الهدية واعترفلها بأعجابى

كانت اول مرة اقول لاى انسانة انى معجب بيها من اساسه فتخيل بقى ان ده فى عيد الحب ولازم اقول اى كلمة حب وكنت ايامها لخمة وحاسس ان مافيش كلام فى دماغى

المهم ادتها الهدية قالتلى ايه دى قولتلها شوفيها قالتلى بمناسبة ايه قولتها عيد العمال النهارده ضحكت قالتلى لا بجد ليه قولتها معجب بيكى

قالتلى يعنى ايه هو اللى معجب بى حد بيجبله هدية فى عيد الحب قولتلها طبعا لما بيكون بيحبه

سكتت وبجد عشت معاها بعدها سنة من اجمل وارقى انواع الحب النقى

انا حكيت الموقف ده لان دى كانت اول قصة حب وعلى فكرة من وجهة نظرى اجمل قصة حب وعمرى ما بتتنسى هو الحب الاول

( ليس من الضرورى انا يكون الحب الاول وهما ) (تامر حبيب)

ا

ازيك يا مان انا الحمد لله وكله تمام وبجد بشكرك على مشاركتك بالاسئلة الجميلة والصعبه واللى ان شاء الله هجاوبك عليها بصراحة

1- الضريبة اللى لازم ادفعها مقابل سفرى لامريكا
الضريبة دى كانت فراقى لاهلى واصحابى والناس اللى بحبهم

2-أيهما اسمى الحب ام الصداقة؟
السؤال فعلا غريب لكنه فى نفس الوقت جميل لانه بيعبر عن عقلية وثقافة الانسان اللى ساله انه شاعر او رومانسى ومفكر كمان
بالنسبة للسؤال ده ياريت بعد ما اجاوبك عليه تعمله موضوع والاعضاء يتناقشوا فيه

بالنسبة لوجهتى نظرى انا الشخصية الصداقة اسمى واقوى من الحب لانها هى اللى بتستمر وهى اللى ممكن تعتمد عليها

3- بالنسبة لو اختار بين اخويا وأعز اصدقائى

ايه يا عم الاسئلة الصعبة اووووووووووووى دى ده فعلا موقف متمناش انى اكون فيه فى يوم من الايام لانى فى كلا الحالتين هلوم نفسى طول العمر انى تركت واحد فيهم

4- هل اعيش نفس سيناريو حب مع فتاه كنت احبها ام أفضل الزواج التقليدى

السؤال ده ممكن يكون اللى قريبين منى عارفينه وممكن تتأكد من أجابتى من عبد الغنى السعيد

انا عمرى متجوز ابدا الجواز التقليدى لانى مؤمن ان فيه شئ هو اللى بيحركك تجاه انسان
بالنسبة لنفس السيناريو انا فعلا رجعت لانسانة كنت بحبها جدا و اتقدمت لاهلها بعد ما سافرت ونعتبر مخطوبين

5-ايه اكتر لحظة حسيت انك فخور بنفسك
الصراحة لما كنت فى القاهرة وكانت معايا صاحبتى السويدية ودخلت أماكن استحالة كنت اقدر ادخلها لو هى مش معايا

6-ايه اكتر لحظة حسيت بيها بالندم

كنت عملية عملية الزايدة وفى بعض الاصدقاء اللى كنت بجد فاكرهم اصحابى ولكنهم حتى متعبوش نفسوهم وزارونى فعلا ندمت ايامها على انى عرفتهم يوم من ايام حياتى

بس اللى خافف عليا انى كان جانبى ناس كتيرة بتحبنى



يا ريت اكون اقدرت اجاوب عل اسئلتك بس والله انا فاتح قلبى وبجاوب بصراحة

وياريت اللى عنده اى سؤال يسأله وانا ان شاء الله هجاوبه

شكرا