ابو غزالة على كرسى الاعتراف كلة يدخل ويسأل بصراحه وميهموش

ابو عزالة فاتح قلبه ليكم يا جماعة وعاوز كل اصدقائة يسألوه ويقولوا رأيهم فيه بكل صراحه

انا حبيت ان توحة يتسال شوية علشان يبقى فيه تنوع بس وبعدين منصور معروف بدبلوماسيته وكلامه الجميل .

وطبعا احنا عارفين ان توحه مبهيمهوش وهيجاوب ويتكلم بصراحه .

وبعدين منصور موجود معانا برده والكل ممكن يسأل الاتنين فى نفس الوقت




على العموم انتوا واحشنى وربنا يوفقكم

في الاول احب اوجه تحياتي للاستاذ محمد يحيي
في الاول كان ليا حلم ودا طبعا حلم كل طفل انك تطلع يا ظابط يا دكتور يا مهندس وانا طبعا كان حلمي اطلع دكتور ودا الحمد لله ما حصلش والثاني كان نفسي ان يكون عندي نادي كبير واسميه tigers اي نعم انا ما بعرفش العب بس كنت ممكن اديره كويس بان اكون رئيس النادي بس والحمد لله لما سافرت اكيد اصطدمت الاحلام بالواقع واتاكدت انه صعب جدا بل يكاد يقرب من خانه المستحيلات وانه ليس مستحيلا طبعا انه يكون عندي نادي لنظرا للمبالغ الطائله التي سيكلفها هذا المشروع ولكن بجد حلمي دلوقتي اللي بسعي وراه ان احصل علي الجنسيه وابقي american citizen واحصل علي الجواز الازرق اولا ثم الاحمر لكي يتيح لي هذا رؤيه العالم باكمله من خلال السفر لاي دوله اريدها ودا حلمي لحد الان ولكن ممكن يبقي في احلام تانيه بمرور الوقت والله اعلم.< وانت تريد وانا اريد والله يفعل ما يريد >ولا ايه رايك يا استاذ محمد

اولا التحيه للاستاذ سعد
وثانيا من وجهه نظري المتواضعه ان لو انا في كليه طب وجات فرصه اني اسافر بلد محترمه مثل امريكا او انجلترا او فرنسا او غيرهم من البلاد المتقدمه فقط كنت هسافر لاني هناك هشوف التعليم بوجه مغاير تماما لاني هدرس حاجه انا حاسس اني شاطر فيها مش هدرس حاجه مكتب التنسيق هو اللي مختارهالي لان زي ما انت عارف التعليم هنا بحريتك انت وليس لاي احد سواء كان والدك ام والدتك ام احد له سلطه عليك ليس له اي دخل في حياتك الخاصه ومنها طبعا التعليم تتعلم ما تتعلمش دا شي يخصك انت وبس بتشوف انت عايز ايه وتقدم دراسه فيه وانا هنا الحمد لله بدات كده انا دلوقتي في مرحله دراسه اللغه الانجليزيه اولا وبعد ما اخلص هذه الدراسه سوف اختار اي من الدراسه ساختار سواء كان طب او صيدله او هندسه وعلي فكره في دراسات تانيه كتيره جدا
ممكن الواحد يختار اي حاجه منها مش بس زي كليات القمه اللي عندنا ده طبعا بجوار حياتك العمليه وهي الشغل يعني العلم جنب المال وشكرا

اكيد والله يا سعد اكتر حاجه وحشتني فعلا هي بيتنا بكل ما يحتويه والقاعده الحلوه طبعا مع بيسو واكيد انت عرفها بس اكيد اشتقتلها واللي مخلي امريكا هي امريكا الناس والقواعد لان في قواعد موجوده وحفاظ الناس علي القواعد هي اللي مخلي امريكا كده بالاضافه الي الامكانيات طبعا وعلي فكره انا اول ما فهمت النظام هنا ماشي ازاي انا اقسمت بالله لواحد 3 مرات ان مصر عمرها ما هتتقدم زي الدول دي ابدا الا لما الناس اللي فيها كلها تموت ويجي ناس تانيه لان لما جينا نحسبها لقينا ان كل حاجه معتمده في الاصل علي الانسان <واللي فيه داء ما بيسلاهوش>وبما ان الانسان اللي عايش عندك احنا عارفينه كويس اذا عمرنا ما هنعرف نمشي علي القواعد انت اكيد فاهمني واكتر حاجه عجبتني هنا ان بجد النظام اللي هنا حلو جدا يخليك غصب عنك تحترمه وبجد البلد مش مخليه اي حد في نفسه حاجه وشكرا اسف لو كلامي هيضايق حد

معلشى يا توحة بس الصراحة انا عاوز اتقد رأيك لان كلامك بيناقد نفسه .انت بتقول النظام هنا هو المتحكم فى كل شئ . يعنى البلد دى اساسها النظام

ورأيك ان علشان مصر تتقدم لازم الناس كلها تموت ويجى ناس تانية . مع احترامى لرأيك انا شايف ان العقول المصرية او الناس بالتحديد احسن من اللى هنا واذكى كمان بالدليل انت بتقول

لما عرفت النظام اتكيفت عليه بسرعة . يبقى اللى محتاج يتغير فى مصر النظام مش الناس يا توحة .

سؤالى ليك يا توحة


وانت فى مصر كان الجماعة حبايبنا البنوانية اللى هنا فى امريكا بيحكولنا عنها حكايات وروايات وكلام انت عارفه طبعا

وطبعا بيحكوا لاهاليهم واهاليهم يزودوا .

سؤالى ليك يا حبيبى لاى درجة او لاى نسبة الحكايات دى حقيقية ؟

واية رأيك فى البنوانية اللى هنا فى امريكا ؟

ياريت يا توحة تجاوب بصراحة والف خط تحت بصراحة ومش هطلب منك اسامى لاننا عارفينها .


بس عاوز تعرف الناس اللى فى مصر الحقيقة ؟

علشان انت عارف اصحابنا وحبايبنا متسيطين قد ايه هناك

اكيد انا مش هكتب كلام يناقض نفسه لاني عارف انا بقول ايه طبعا وهقولك مثال بسيط جدا اشارات المرور دي مش قواعد وانظمه اكيد انت شوفتها هنا ماشيه ازاي بما انك تقود سياره هنا وشوفتها ماشيه ازاي في مصر وحتي لو عدلناها اكتر من كده هبسطهالك اكتر هنا لو الساعه 3 فجرا والاشاره حمرا ومفيش اي حد في الشارع وانت متاكد 100 في 100 هتكسرها اكيد لا حتي لو بتموت في السياره انما لو انت في مصر صدقني هتكسرها وتقول لو ظابط شافني هغمزه بعشره جنيه ولا حاجه او هقوله ان انا بموت وتعبان او مراتي بتولد او ابني تعبان او او او الامثله كتيره يا حبيبي والاجابه علي ان الناس في مصر اذكي والله اشك ان اننا ممكن نعمل ولو ربع مواصلات كاليفورنيا من سهوله ونظافه وتكنيك عالي اوي عمرنا حتي ما تقدر نعمل ربع free way من الموجودين هنا ولا ايه رايك وحتي لو عملناها هنبقي واخدنها منهم ليه هما دايما يعملوا الحاجه قبلنا يبقي مين الازكي ركز قليلا ثم جاوب يا حبيب قلبي واختلاف الراي لا يفسد للود قضيه وبالنسبه الي سؤالك بالنسبه الي الحكايات بتاع سكان البنوان بامريكا فاعتقد ان انت اكثر واحد ممكن يجاوب علي الموضوع ده بكل صراحه وشكرا علي تعليقك علي اي حال مهما اختلفنا فاحنا حبايب يا zuma

بص يا سيدي اولا الموانع الحقيقيه تكمن في كبار الدوله اللي نهبين خيرها زي وزير محافظ وغيرهم يعني الواحد من دول ممكن يكسر الدنيا عشان يمسك منصب زي ده ولما يمسكه ابقي قابلني لو عمل حاجه صح بيفضل كل همه ازاي في الفتره اللي قاعدها عايز يلم فلوس وبس وملوش دعوه بالباقي لانه مش حاسس بيهم راجل عنده منصب وجاه ومال ايه هيفيده من بقيه الناس ولا تقجم البلد ولا حتي يقعد في نضافه يقولك طيب ما انا اسافر كل شهر بلد نضيفه ولا اشغل نفسي بالصداع ده .
اما مصر عمرها ما هتعمل ربع free way من الموجودين هنا لاننا تافهمين بنفكر في حاجات تافهه جدا يقولك بدل ما اخسر من ميزانيه الدوله 2 او 3 مليون عشان اعمل free way لا دا انا اعمل حاجه تانيه احسن مدينه سياحيه ولا ولا .
وعلي قكره المشكله مش زي ما انت بتقول تكمن في المرور والمواصلات انا بس كنت بديلك مثال علي النظام انما اي مشكله في اي دوله تبدا بالتعليم ثم السياسه ثم الاقتصاد بس اول شئ اللي هو الاساس ومن غيره مفيش تقدم هو نظام التعليم وبما ان التعليم في مصر بايظ يبقي عليه العوض.
اما لو انا عايش في مصر وعايزني اكون مستقبلي يبقي اديني يابني عمر نوح وصبر ايوب وبرده مش هعرف اكونه عشان مدحكش عليك وهي دي الحقيقه وشكرا علي سؤالك ولو كان راي غلط من وجهه نظرك برده الاختلاف في الراي لا يفسد للود قضيه ارجو قبول كلامي بصر رحب شكرا يا عبده

والله كلام توحة كلام جميل جدا . بس انا لما بقرأ كلام توحة بحس ان مدحت فى امريكا تانيه غير اللى انا وايمن فيها مع انه عاش معانا اكتر من سنه يعنى مثلا احنا عشنا فترة اكتر من 5 فى شقة حجره واحده وحمام واحد دى حاجه . اه طبعا فيه فرق امكانيات مادية لكن فيه جوانب تانيه مثلا ان فيه اماكن كتيره معفنه جدا ومن ضمنها لوس انجلوس سيتى اللى توحه اشتغل فيها اكتر من 3 شهور وعارف انها كلها منطقة سود ومعفنه وفيها نسبة شحاتين اكنر من اللى فى مكان فى مصر غير طبعا هو كان بيبيع سجاير فرط وانا كمان شغال فى مكان زي كده . وايمن كمان شغال فى نفس المنطقة اللى انا شغال فيها وبيتعامل مع ناس اوسخ كمان. . يعنى اللى لافت نظر توحة النظام والطرق بس دى حاجات متنظمة ولو ماكنشى موجود الامكانيات المادية فى الاساس كانت مش هتتعمل يبقى الفرق ما بينا وبينهم هى الامكانيات المادية وياريت مينساش ان مصر قاعدة 70 سنه احتلال انجليزى وخرجت منه فى صراع عربى اسرائيلى .
ويعنى يا توحه لو حضرتك مش متابع الوضع فى مصر احب اعرفك ان مصر لو انت معاك فلوس هتعيش فيها احسن من امريكا وهى فيها فعلا اماكن احسن ومش علشان حضرتك كنت قاعد فى البنوان وفجأه اتنقلت لامريكا يبقى مصر وحشة لانك لاسف مروحتش اى مكان فى مصر علشان تعرفها كويس .
وفيه فى مصر مدن كتيره على مستوى عالمى بس انت اللى مش متابع وعلى فكرة هى مش قليلة ولو قلتهالك انت مش هتصدق منها ( الاسكندرية و قنا واسوان والاقصر ومرسى مطروح وشرم الشيخ والغردقه ومرسى علم والسويس وبور سعيد والاسماعيليه )دى كلها مدن اما لو جيت بس على القاهرة فانا ممكن اقولك فيها على اماكن ارقى من هوليود ومن اناهيم (الدقى وكلها منطقة فنادق 5 نجوم والمندسين والزمالك والمعادى والهرم ومنطقة الجيزة غير منطقة مدينة نصر وكلها فنادق 7 نجوم )

يا توحة مصر فيها اماكن كتيره جميلة جدا واحلى هنا من امريكا وتعليقى على ان مصر متقدرشى تعمل ربع FREEWAY

هقولك يا توحه هو حضرتك روحت فين فى مصر علشان تحكم بكده وهقولك مثال مثلا هو كوبرى 6 اكتوبر اللى بيربط وسط البلد بمدينة نصر والكبارى اللى فى وسط البلد اللى فى رمسيس واسعاف دى ايه . ده غير الطريق الدائرى اللى رابط القاهرة كلها .

فياريت يا توحه انبهارك بامريكا ميخلكشى تحكم من غير تعرف الاول . يعنى انا اشك انك شوفت مثلا حديقة الازهر بالليل ومنظر القاهرة منها شكله ازاى وطلعت البرج بالليل او شوفت النيل بالليل شكله ايه او حتى خرجت فى منطقة وسط البلد بالليل وشوفت ازاى الناس مستمتعة


صدقنى الشعب اللى انت بتقول عليه بتشك انه ذكى شوفه بيعيش ازاى بفلوس ضئيلة وقادر يعيش ويكمل حياته ويربى اولاده ويعلمهم

اصل كلامك حاسسنى لازم كل اللى فى مصر ينتحروا ويموتوا لان مافيش فايده


وبالنسبه لما سألتك عن حكايات البنوانية وانت قولت انى انا اللى جاوب على الحوارده انا هجاوبك عليه كل الحكايات اللى اتحكتلنا عن امريكا واحنا فى مصر كلها كدب

وملهاش اى اساس فى الواقع

والله يا استاذ سعد اجابتي في كلمه بسيطه دي بلد الحريه ليك مطلق الحريه اللي عايزه تقدر تعمل اي حاجه انت عايزها في اي وقت عايز تقعد تقعد عايز تمشي اهلا وسهلا وانا قعدت عشان مستريح هنا وارجو الا اكون فهمت سؤالك زي ما انت عايز تفهمهولي

انا مش عارف ليه انت مطلعني جاسوس مصري في امريكا بالعكس جدا والله انا اتمني ان مصر تبقي احسن من امريكا والله بس ما تنساش ان كل المدن اللي انت قولتها دي اكتر الناس اللي عايشه فيها هعاها فلوس وما تنساش ان مصر تعتبر دوله فقيره وان الفقراء اللي فيها كتير وان الطبقه المتوسطه اكتر من نص الشعب الموجود بالاضافه الي العشوائيات الموجود في العاصمه وبالنسبه للمدن اللي انت قولت عليها تعتبر اثريه يعني احنا يعتبر ما بنطورش احنا يدوب بنحافظ واما عن شحاتين امريكا يعتبروا اغني من ناس كتير في مصر اوي علي الاقل هما ما بيشتغلوش وبياخدوا من الحكومه كل اول شهر المعونه بتاعتهم اللي بتقدر كل واحد عايش ازاي يا استاذ حازم واما السجاير الفرط فالبناونيه هما اللي ابتداعوها يعني مصريين امريكا يا مستر حازم او الكوريين ما تفرقش بس ماتلاقيش امريكي بيعملها لانها غير قانونيه ولا برده مش عارف دي وغرامتها اول مره 1000 دولارليه قولت 6 او7 او 10 مدن من مصر بس ليه ما قولتش مصر كلها لكل قاعد شواذ زي ما بيقولوا بس السلبيات اللي موجوده هنا اقل بكتير جدا جدا من الايجابيات تكاد تكون منعدمه اما في بلدنا فالسلبيات تكاد تكون مساويه للايجابيات بدليل ان احنا نكاد نكون ما بنلاقيش ايجابيات بلدنا واما عن 5 في شقه فده لاننا مصريين بس انتم دلوقتي قاعدين كام واحد في الشقه ؟ وليه اكتر الناس بتسافر بره وليه بنموت عشان نجيب تاشيره انا بكلم عن الشعب مش الممثليين ولا الوزرا ولا لعيبه الكوره ولا ولا ليه اي واحد هنا مهما كانت وظيفته لو عايز يسافر اي بلد بيسافر ليه< حازم تمهل قليلا وما تردش للعناد بس>
مصر اللي يشوفها من فوق مش زي اللي يشوفها من تحت واللي يشوفها بالنهار مش زي اللي يشوفها باليل واللي يشوف شرم الشيخ يقول ان دي مش مصر شكرا

ماشى يا توحة كلام صح وجميل بس اللى عاوز انوره قدام عينيك ان اى مقارنة انت بتعملها ما بين مصر وامريكا ظالمة . انا بيحضرنى كلمة لاحمد عيد فى فيلم ليلة سقوط بغداد لما قال انهم سبقنا ب 100 سنه ضوئية . انما لو جيت تشوف الموضوع مشى ازاى هفهمهولك اولا امريكا عمرها اكتر من 300 سنه بس ولما الاوربيين البيض جاءوا لامريكا كان الهنود الحمر هما اللى موجودين وطردوا وابادوهم المهم انهم جاءوا الى بلاد واسعة فاضية فأسسوها من جديد . واهتموا بكل شئ وخصوصا التعليم والسياسة وقدروا يبنوا بلد هى رقم واحد فى العالم ده طبعا مافيش اى حد يعترض فيه انما كان تعليقى عليك هى ان مصر مش الحياة فيها سودا بس فيه ابيض كمان حتى ولو كان قليل وده حقيقى انا مش معترض معاك بس مصر خرجت من احتلال لاحتلال ومن سرقة لسرقة .
بالنسبه لنقطة ان دى مدن قليلة انا عاوز اقولك ان حتى لو كانت المدن دى بتمثل 50 فى المائة فدى نسبه كويسه على بلد ناميه .
العالم كله فيه الكويس والجميل والوحش والقبيح

على العموم يا توحة انا كنت بعلق على كلامك بس علشان اعرفك ان كل السلبيات اللى انت قولتها اه حقيقيه وموجوده بس فيه الايجابيات والاماكن الجميلة اللى فى مصر برده حتى ولو مجتلكشى الفرصة انك تشوفها بس صدقنى انا شوفت الاماكن دى جميلة قد ايه .


وزى ما انت قولت كل الشباب عاوز يسافر ليه علشان يحقق احلامه ويقدر يعيش لان نسبة الفقر فعلا فى مصر عاليه والبطالة عاليه بس انا شايف ان الجيل اللى جاى اللى هما اولاد الناس دى هيكونوا احسن على الاقل اللى شاف وعرف حاجه هيعرفها للبعده . غير دلوقتى العالم كله بقى مفتوح على بعضه يعنى الاطفال الصغيره دلوقتى بقوا بيعرفوا اللى احنا عرفناه واحنا فى الكلية مثلا .

انا شايف ان احنا لو بصينا بشوية امل ممكن نتحسن مش هقول نكون زى امريكا ولا اوربا هقول على الاقل اوضاعنا نتحسن

وبعدين يا توحة انت اكيد متابع الازمة الاقتصادية عاملة ايه فى امريكا واوربا .

على العموم يا توحه ده حوار وكلامنا بيصب فى نفس الموضوع بس انت شايف الناحية الوحشة وانا عندى امل فى الشوية الصغيريين الكويسيين بالدليل مثلا ان بلدنا بدأ يبقى فيها المهندس والدكتور والمثقفين وبدأنا نتحاور مع بعض ونتكلم كلنا بطريقة جديده علينا على الاقل كلنا بنحترم اراء بعض حتى ولو كانت مختلفة . اعتقد ان ده على الاقل يدى امل .

استسمحك تقعد علي الكرسي يا مستر سعد ده بعد اذن حضرتك طبعا!

الاول احب اهنيك ان المنتدى بدأ يكبر ويتحسن وطبعا لانه بجد بيضم اعضاء جمال ومثقفين ومحترمين

بالنسبة لwork& travel

الجميع عارف ان البرنامج عبارة عن 4 شهور 3 شهور شغل وشهر سياحة ده طبعا شئ الكل عارفة بس انت شايف الناس بتروح السودان علشان تطلع لتركيا واعدى اليونان ومن اليونان لفرنسا وانجلترا وبقية الدول الاوربية او حتى يفضلوا فى اليونان . طبعا انا مش هكون داخل امريكا وداخلها قانونى مش تهريب وارجع طبعا هكون اغبى الاغبياء.
نرجع لكلامنا انا لما جيت انا ومدحت من ايداهو وايمن من لويزيانا لكاليفورنيا مكناش نعرف اي حاجه ولا نعرف قوانين البلد ولا النظام ولا الوضع شكله ايه بس طبعا كان اول حاجه بندور عليها واى انسان مكانا كان هيعمل كده انه الاول يدور على الاستقرار فى شغل وسكن والحمد لله بعد فترة استقرينا كلنا فى شغل وسكن وكل واحد بقه قادر يعتمد على نفسه .وبدأنا نعرف البلد اكتر ونتكيف معاها بدانا هنا نسأل ازاى نغير وضعنا فعرفنا ان فيه طريقتين للاقامة فى البلد قانونى الاولى دراسة ودى بتديك الفرصة انك تكون موجود داخل البلد قانونى بس مش زى استراليا بتخليك تقدر تدخل وتخرج والثانية هى الجواز ودى طبعا زى ما انت عارف وكله عارف بتديك الجرين كارد ثم الجنسية .
احنا فى الاول مكناش حسين بأى فرق ما بينا وبين الامريكان حتى ايمن عنده كلمة مشهورة دأيما بيقولها احنا عايشيين احسن من الامريكان بمعنى ان احنا بنشتغل وثابتيين فى الشغل بعكس معظم الامريكان اللى الوضع الاقتصادى مأثر عليهم وبيخليهوم يسيبوا شغلهم وكمان هنا مافيش حد بيسأل حد انت منين ولا بتعمل ايه طول ما انت بعيد عن المشاكل وماشى فى حالك.
فالوضع فى الدول المتقدمة مختلف عن الوضع فى الدول العربية يعنى هنا فى حريات بطريقة جامده جدا يعنى الظابط ميقدرشى يوقفك من غير سبب وميقدرشى يتكلم معاك وحش بل بالعكس رزم يتكلم معاك بأدب ويقولك سير كمان

نرجع للموضوع الاساسى اللى كنت بتكلم فيه وهو عملنا ايه علشان نحسن وضعنا لما لقينا ان مافيش غير حل من اتنين الدراسة او الجواز فبدأنا ندرس علشان على الاقل نحسن كلنا مستوى لغتنا ومعلوماتنا وتكيفنا مع البلد كمان علشان منبقاش زى اللى قبلنا وقفوا عند حد معين من اللغة والمعلومات . واللى شجعنا فى كده كان واحد صاحبنا من سندسيس خاد الخطوة دى وبعدهاعلى احمد عبد النعيم خاد نفس الخطوة.


يا ريت اكون قدرت افهمك ولو فيه اى استفسار او سؤال تحب تعرفه انا قلبى مفتوح ليك

وشكرا يا حبيبى

شكرا جزيلا على اهتمامك يا زوما
وبعدين فى نقطة صغيرة لو انت فاهم وجهة نظرى فى الرد اللى انا رديتة على مدحت بمعنى انى فعلا مكنتش اقصدة وانى كنت بتكلم عن ناس تانية لان بجد انتو اثرتو نقطة بتعصبنى انا شخصيا يا ريت تفهمو
وشكرا تانى يا حازم